A oferta musical vai empezar ben cedo cunha sesión vermú ao xeito antigo, con gaiteiros e música tradicional. Grazas ao programa Musiqueando da Área de Cultura da Vicepresidencia Primeira da Deputación de Lugo poderemos gozar dunha sesión musical coa agrupación Os Cans de Palleiro de Rábade. Por desgraza, non fomos quen de atopar máis información do grupo, pero de seguro que haberemos de bailar e cantar con eles e, por suposto, tomar un vermú para ir quentando motores.